Tolisso “Lion”a “Real Sosyedad”la oyunda bir xal qazandırdı

UEFA Avropa Liqasının əsas mərhələsində İspaniyanın “Real Sosyedad” və Fransanın “Lion” komandaları arasında keçirilən görüş 1:1 hesabı ilə başa çatıb.

90deqiqe.Az xəbər verir ki, qarşılaşmada hər iki komanda bir dəfə fərqlənib.

Matçın 28-ci dəqiqəsində Orri Oskarssonun vurduğu qol meydan sahiblərini önə keçirib. İlk hissə “Real Sosyedad”ın minimal üstünlüyü ilə başa çatıb.

Fasilədən sonra fəallaşan Fransa təmsilçisi 54-cü dəqiqədə hesabı bərabərləşdirib. Korenten Tolisso komandasının bərabərlik qoluna imza atıb.

Qarşılaşmanın qalan dəqiqələrində tərəflər qələbə qolunu vurmağa çalışsalar da, hesab dəyişməyib və komandalar hərəyə bir xalla kifayətləniblər.