Qurban Qurbanov:"Çalışacağıq ki, ən yaxşı formada özümüzü göstərək"

"Qarabağ"ımız Avropa Liqasının qrup mərhələsinin son turunda səfərdə "Arsenal"ın qonağı olacaq.

Corner.az məlumat verir ki, Ağdam təmsilçisinin baş məşqçisi Qurban Qurbanov Londonda keçiriləcək oyunöncəsi mətbuat konfransında öz fikirlərini bildirib: "Qrup mərhələsində sonuncu oyunumuzdur, rəqibimiz isə İngiltərənin köklü klublarından "Arsenal"dır və gücü hamıya bəllidir. Bilirik ki, rəqib bu mövsüm çox yaxşı nəticələr göstərir və İngiltərə nəhənglərindən biridir. Sabah da yaxşı oyun göstərmək üçün meydana çıxacağıq və çalışacağıq ki, ən yaxşı formada özümüzü göstərək".