- Avroliqa
- 12:27 22.10.2024
"Qarabağ" klubu UEFA Avropa Liqasının qrup mərhələsinin 5-ci turu çərçivəsində "Sevilya" ilə oyun üçün İspaniyaya gedib.
Corner.az-ın məlumatına görə, Ağdam təmsilçisi saat 16:00-da Heydər Əliyev Beynəlxalq Aeroportundan çarter reysi ilə Sevilyaya yollanıb. Komandanı 6,5 saatlıq uçuş gözləyir.
Sabah Bakı vaxtı ilə saat 21:40-a baş məşqçi Qurban Qurbanovun mətbuat konfransı, bundan 20 dəqiqə sonra komandanın açıq məşqi olacaq.
Noyabrın 28-də "Xuan Sançes Pisxuan" stadionunda keçiriləcək "Sevilya" - "Qarabağ" matçı saat 24:00-da başlayacaq. "Qarabağ"ın Bakıya dönüşü noyabrın 29-na nəzərdə tutulub. Komanda saat 21:00-da Vətənə çatmalıdır.
