UEFA-dan Avro-2020 ilə bağlı açıqlama

UEFA  Avro-2020-nin təxirə salınması ilə bağlı milli futbol federasiyalarının quruma müraciət etmələri ilə bağlı yayılan xəbərə aydınlıq gətirib.

Corner.az xəbər verir ki, qurumdan TASS-a bildirilib ki, Avropa çempionatının vaxtının koronavirusa görə dəyişdirilməsi üçün səbəb yoxdur:

"UEFA koronavirusun yayılması ilə əlaqədar müvafiq beynəlxalq və yerli qurumlarla əlaqə saxlayır. Turnirin planlaşdırılan cədvəlində nəyisə dəyişməyə ehtiyac yoxdur".

Xatırladaq ki, 12 iyun - 12 iyulda keçiriləcəyi nəzərdə tutulan Avropa çempionatın 4 oyunu Bakı Olimpiya Stadionunda olacaq.(qol)