İsrail millisinin baş məşqçisi Andreas Hertsoq müqaviləsinin iki aylıq dondurulmasına razılıq verib.
Corner.az xəbər verir ki, bu, yığmanın növbəti matçını yalnız payızda keçirə biləcəyi ilə əlaqədardır.
Komanda Millətlər Liqasının pley-offunda Şotlandiya ilə qarşılaşacaq. Qarşılaşma sentyabrın 3-də baş tutacaq.
İsrail Futbol Assosiasiyası 52 yaşlı avstriyalı mütəxəssisə centlmen davranışına və çətin vəziyyətdəki dəstəyə görə təşəkkürünü bildirib.
Hertsoq yığmadakı işinə davam etmək istədiyini söyləyib.
Qeyd edək ki, Andreas Hertsoq 2018-ci ildən İsrail millisinə rəhbərlik edir.
