Komanda yoldaşı Ronaldoya görə karantinə alına bilər

 "Mançester Yunayted"in futbolçusu Bruno Fernandeş 14 günlük karantinə alına bilər.

Corner.az "A Bola" nəşrinə istinadən xəbər verir ki, buna səbəb onun Portuqaliya yığmasındakı komanda yoldaşı Kriştiano Ronaldonun koronavirusa yoluxmasıdır.

Britaniya hökumətinin təlimatlarına əsasən, koronavirus xəstəsi ilə təmasda olan şəxs ölkəyə qayıtdıqdan sonra 14 günlük karantinə alınmalıdır. Bu qaydanın portuqaliyalı oyunçuya şamil edilməmə ehtimalı da var. Belə olacağı təqdirdə, Fernandeş "qırmızı şeytanlar"ın heyətində qarşıdakı 4 oyunu buraxacaq.

Qeyd edək ki, Portuqaliya Futbol Federasiyası Kriştianu Ronaldunun koronavirusa yoluxduğunu ötən gün açıqlayıb.