Türkiyə millisində koronavirus testinin nəticəsi açıqlandı

Millətlər Liqasının qrup mərhələsinin 5-ci turunda Rusiya ilə qarşılaşacaq Türkiyə yığması Rivadakı Hasan Doğan adına Təlim-Məşq Bazasında karantinə alınıb.

Corner.az Türkiyə Futbol Federasiyasının rəsmi saytına istinadən xəbər verir ki, buna səbəb millinin baş məşqçisi Şenol Güneş və bəzi futbolçuların noyabrın 11-də evdə Xorvatiya ilə yoldaşlıq matçında (3:3) qonaq komandanın koronavirusa yoluxmuş müdafiəçisi Domaqoy Vida ilə yaxın təmasda olmasıdır.

Futbolçular, məşqçilər heyəti və digər işçilərin noyabrın 15-də Rusiya ilə keçiriləcək oyun üçün bu gün verdiyi koronavirus testinin nəticəsi mənfi çıxıb.