"Barselona” və “Liverpul”un sabiq yarımmüdafiəçisi Xavyer Maskeranonun yeni iş yeri müəyyənləşib.
Corner.az xəbər verir ki, o, bundan sonra Argentina Futbol Federasiyasında çalışacaq.
Bu barədə qurumun rəsmi saytı məlumat yayıb. 36 yaşlı keçmiş futbolçu milli komandalar üzrə strukturda çalışacaq. Maskeranonun metodologiya və inkişaf şöbəsindən məsul olacağı bildirilib.
Argentina yığmasında 147 oyun keçirmiş Maskerano karyerası ərzində “River Pleyt”, “Korintians”, “Vest Hem”, “Liverpul”, “Barselona”, “Hebey” və “Estudiantes” klublarında çıxış edib.
