Gürcüstan millisinin yeni baş məşqçi təyin olunub.
Corner.az xəbər verir ki, qonşu ölkə yığmasını bundan sonra Fransa millisinin sabiq müdafiəçisi Villi Sanyol çalışdıracaq.
Bu barədə Gürcüstan Futbol Federasiyasının mətbuat xidməti məlumat yayıb. 43 yaşlı mütəxəssislə müqavilənin müddəti və digər detalları açıqlanmayıb. Onun yeni komandasında bu il martın 25-də debüt edəcəyi bildirilib. Həmin gün Gürcüstan millisi DÇ-2022-nin seçmə mərhələsi çərçivəsində İsveçlə qarşılaşacaq.
Qeyd edək ki, Gürcüstan yığmasının keçmiş baş məşqçisi Vladimir Vayss ötən ilin noyabrında istefa verib.
