- Avropa çempionatı
- 15:35 16.11.2025
Qətər və Avstraliya yığmaları bu il 11 iyun - 11 iyulda keçiriləcək Amerika Kubokunda iştirakdan imtina edib.
Corner.az "Varsky Sports"a istinadən xəbər verir ki, hər iki kollektiv həmin tarixdə DÇ-2022-nin seçmə mərhələsində mübarizə aparacaq.
Koronavirus pandemiyası səbəbindən 2021-ci ilə təxirə salınan Amerika Kubokunun son qalibi Braziliya yığmasıdır.
Qeyd edək ki, UEFA Qətər millisini Azərbaycan, Portuqaliya, Serbiya, İrlandiya və Lüksemburqun yer aldığı A qrupuna daxil edib. Asiya çempionu ilə matçlar hazırlıq xarakteri daşıyacaq.
