İbrahimoviç yenidən İsveç millisində!

“Milan”ın hücumçusu Zlatan İbrahimoviç İsveç millisinə dəvət alıb.

Corner.az xəbər verir ki, bu barədə İsveç Futbol İttifaqının mətbuat xidməti məlumat yayıb. 39 yaşlı hücumçu yığmanın DÇ-2022-nin seçmə mərhələsi çərçivəsində Gürcüstan və Kosovo, yoldaşlıq oyunu çərçivəsində isə Estoniya ilə qarşılaşacağı oyunların heyətinə dəvət alıb.

İsveç yığması martın 25-də evdə Gürcüstan, 28-də səfərdə Kosovo ilə qarşılaşacaq. Estoniya ilə oyun isə martın 31-də İsveçdə olacaq.

Qeyd edək ki, İbrahimoviç 2016-cı ildə İsveç yığmasındakı karyerasını bitirdiyini açıqlamışdı.