Polşa yığmasının qapıçısında koronavirus aşkarlandı

Polşa millisinin qapıçısı Lukaş Skorupski futbol üzrə dünya çempionatının Andorra ilə seçmə oyunu ərəfəsində koronavirusa yoluxub.

Corner.az-ın məlumatına görə, "Bolonya"da çıxış edən 30 yaşlı oyunçu özünü martın 25-də narahat hiss edib. O, test nəticələri çıxanadək komandadan təcrid olunub. Testin cavabı isə müsbət olub.

Daha əvvəl "Lids"dən çağırılmış yarımmüdafiəçi Mateuş Klixin də eyni səbəbdən komandaya kömək edə bilməyəcəyi açıqlanıb.

Qeyd edək ki, Polşa yığması Andorra ilə martın 28-də Varşavada üz-üzə gələcək. Görüş Bakı vaxtı ilə saat 22:45-də başlanacaq.