Ötən gün DÇ-2022-nin seçmə mərhələsinin 2-ci turu çərçivəsində səfərdə İrlandiyanı məğlub edən Lüksemburq millisi 13 illik həsrətə son qoyub.
Corner.az xəbər verir ki, sözügedən komanda 85-ci dəqiqədə Jerson Rodriqesin vurduğu yeganə qol sayəsində rəqibinə 1:0 hesabı ilə qalib gəlib.
Bununla da Luksemburq yığması 13 il sonra ilk dəfə səfərdə qələbə qazanıb. Bu komanda sonuncu dəfə 2008-ci ildə İsveçrə ilə səfər oyununda qələbə qazanmışdı.
Qeyd edək ki, Lüksemburq və İrlandiya yığmaları DÇ-2022-nin seçmə mərhələsində Azərbaycan millisi ilə birgə A qrupunda mübarizə aparırlar.
