Lüksemburq yığması Azərbaycana bənzəmir - Santos

"Bu komandanın Azərbaycanla oxşarlığı yoxdur. Lüksemburq bizimlə qarşılıqlı mübarizə aparacaq. Yaxşı müdafiə olunmağa çalışacaq və keyfiyyətli hücumlar quracaqlar".

Corner.az-ın məlumatına görə, bu fikirləri Portuqaliya yığmasının baş məşqçisi Fernando Santos Lüksemburqa qarşı keçirəcəkləri DÇ-2022-nin seçmə oyunundan əvvəl mətbuat konfransında deyib.

66 yaşlı mütəxəssis bildirib ki, rəqibi Azərbaycan seçməsi kimi müdafiədən çıxmağa qoymamalıdırlar: "Lüksemburq böyük potensiala malik yaxşı təşkilatlanmış komandadır. Bu, müdafiə oyunu sərgiləyən kollektiv deyil. Son illər ən dinamik inkişaf edən yığmalardan olduqlarını İrlandiyanı 1:0 hesabı ilə yendikləri görüşdə göstərdilər. Bu oyunun çətinliklərini bilirik, ancaq qələbə qazanmağa hazırıq".

Qeyd edək ki, bu gün keçiriləcək Lüksemburq - Portuqaliya matçı Bakı vaxtı ilə saat 22:45-də başlayacaq. A qrupunun digər oyunun Azərbaycan Serbiyanı qəbul edəcək. Həmin görüşə saat 20:00-da start veriləcək.