Roma'nın futbolçusu mövsümü erkən bitirdi

İtaliyanın “Roma” klubu ciddi itki ilə üzləşib.

Corner.az xəbər verir ki, paytaxt klubunun müdafiəçisi Maraş Kumbulla Albaniya yığmasının düşərgəsində sıradan çıxıb. Bu barədə “Calciomercato” nəşri məlumat yayıb. Albaniya millisinin Andorra ilə qarşılaşdığı DÇ-2022-nin seçmə mərhələsinin matçında (3:0) dizindən zədələnən 21 yaşlı futbolçu mövsümün geridə qalan hissəsini buraxmalı olacaq.

Müqavilə ilə Veronaya məxsus olan Kumbulla hazırda icarə əsasında “Roma”da çıxış edir.

Bu mövsüm A Seriyasında 16 oyuna çıxan müdafiəçinin “Roma” ilə sözləşməsi 2022-ci ilin yayına qədərdir