Türkiyə millisində koronavirusa yoluxanların sayı artdı

Türkiyə milli komandasında koronavirusa yoluxanların sayı 12-yə çatıb.

Corner.az Türkiyə Futbol Federasiyasının rəsmi saytına istinadən xəbər verir ki, son olaraq daha 4 oyunçunun analiz nəticəsi müsbət çıxıb.

Türkiyə millisinin baş məşqçisi Şenol Güneş DÇ-2022-nin seçmə mərhələsində Niderland, Norveç və Latviya ilə oyunlar üçün 28 futbolçuya dəvət göndərmişdi. Daha sonra isə əlavə olunanlarla 32 futbolçu məşqə qatılmışdı.

Daha əvvəl İrfancan Kahveci, Nazım Sanqare, Merih Demiral, Zeki Çelik, Cenk Tosun, Kaan Ayhan, Dorukhan Toköz və Emre Kılınç virusa yoluxduqları üçün heyətdən çıxarılıblar.

Adları açıqlanmayan futbolçular Rivadakı Hasan Doğan adına Təlim-Məşq Bazasında karantinə alınıb.