Argentina ev sahibliyi hüququndan imtina edir

Argentina bu yay keçiriləcək Amerika kubokuna ev sahibliyindən imtina edəcək.

Corner.az xəbər verir ki, bu barədə ESPN məlumat yayıb. Buna Argentinada koronavirusa yoluxma hallarının artması səbəb olub. Ölkə rəhbərliyi Cənubi Amerika Futbol Konfederasiyasına (CONMEBOL) bununla bağlı müraciət edəcək.

Amerika kubokuna daha əvvəl Argentina və Kolumbiyanın ev sahibliyi edəcəyi açıqlanmışdı. Argentinanın çəkilmə qərarından sonra qarşılaşmaların yalnız Kolumbiyada keçirilməsi gözlənilir.

Bu ilin iyun və iyul aylarında keçiriləcək Amerika kubokunda Argentina, Kolumbiya, Çili, Braziliya, Ekvador, Paraqvay, Boliviya, Venesuela, Uruqvay və Peru iştirak edəcək.