Liverpul'un futbolçusu Avropa çempionatında olmayacaq

 "Liverpul"un və Hollandiya millisinin futbolçusu Vircil van Deyk Avropa çempionatında çıxış etməkdən imtina edib.

Corner.az-ın məlumatına görə, 29 yaşlı müdafiəçi qərarını zədədən sonra bərpa dövrü keçməsi ilə əlaqələndirib. Van Deyk Avropa çempionatında milli komandasına kömək edə bilməyəcəyinə üzüldüyünü amma düzgün qərar qəbul etdiyini bildirib. Hollandiya millisinin üzvü, növbəti mövsümün hazırlıqlarına köklənəcəyini bildirib.

Qeyd edək ki, Vircil van Deyk ötən ilin oktyabrında "Everton"la Premyer Liqa qarşılaşmasında xaçabənzər bağlarından zədə alıb. Avropa çempionatı iyunun 11-də start götürəcək. UEFA van Deyki 2019-cu ilin ən yaxşı futbolçusu seçib.