- Avropa çempionatı
- 16:00 13.04.2026
Polşa millisinin futbolçusu Arkadiuş Milik AÇ-2020-də iştirak etməyəcək.
Corner.az Polşa Futbol İttifaqının rəsmi saytına istinadən xəbər verir ki, "Marsel"in 27 yaşlı hücumçusu zədə səbəbindən heyətdən çıxarılıb.
Zədəli vəziyyətdə komandaya qoşulan forvard ilk məşqlərdən sonra narahatlıq hiss edib. Bundan sonra məşqçilər heyəti onunla bağlı qərar verib.
Milikin əvəzinə heyətə hansısa futbolçunun cəlb ediləcəyi gözlənilmir.
Qeyd edək ki, AVRO-2020 bu il iyunun 11-dən iyulun 11-dək keçirilməlidir. Polşa millisi Slovakiya, İspaniya və İsveçlə birlikdə E qrupunda mübarizə aparacaq.
