Fransa millisi AÇ-2020-nin favoritidir – Platini

UEFA-nın sabiq prezidenti Mişel Platini Avro-2020-nin favoritini açıqlayıb.

Corner.az xarici mətbuata istinadən xəbər verir ki, Platini, Fransa millisinin AÇ-2020-nin favoriti olduğunu deyib:

“Fransa millisi AÇ-2020-nin favoritidir. Hazırda futbol baxımından bütün komandaları üstələyirlər. Hazırkı vəziyyətdə tam hazır olan onlardır. Fransadan sonra Belçika yığmasını fərqləndirərdim. Almaniya millisi haqda çox bilmirəm. Gənc heyətləri var, lakin çox şey edə bilərlər”.

AÇ-2020 bu il iyunun 11-dən iyulun 11-dək keçirilməlidir. Fransa yığması turnirin qrup mərhələsində Almaniya, Macarıstan və Portuqaliya ilə qarşılaşacaq.