- Avropa çempionatı
- 15:35 16.11.2025
Futbol üzrə Avropa çempionatının Bakıda keçiriləcək Uels - İsveçrə oyunu üçün təyinatlar açıqlanıb.
Corner.az-ın məlumatına görə, qarşılaşma Fransadan olan hakimlər briqadasına həvalə olunub.
Baş hakim Kleman Türpenə Nikolas Damos və Kiril Qrinqore köməklik göstərəcək. 4-cü hakim funksiyasını serbiyalı Srdan Yovanoviç yerinə yetirəcək. VAR hakimi isə fransalı François Letexierdir.
Qeyd edək ki, iyunun 13-də Bakı Olimpiya Stadionunda keçiriləcək Uels - İsveçrə matçı saat 17:00-da başlayacaq. AVRO-2020 iyunun 11-dən iyulun 11-dək keçiriləcək.
