AÇ-2020: Türkiyə millisi İtaliyaya uduzdu

Bu gün futbol üzrə Avropa çempionatının qrup mərhələsinin oyunlarına start verilib.

 Corner.az xəbər verir ki, ilk oyun günündə bir qarşılaşma keçirilib. Turnirin açılış matçında A qrupunda yer alan İtaliya və Türkiyə milli komandaları qarşılaşıblar. Romada, “Olimpiko” stadionunda keçirilən görüş meydan sahiblərinin 3:0 hesablı qələbəsiylə başa çatıb.

Qrupun digər matçı sabah keçiriləcək. Uels və İsveçrə yığmaları Bakı Olimpiya stadionunda üz-üzə gələcəklər. Oyuna saat 17:00-da start veriləcək.

Təqvimə əsasən, Bakı Olimpiya Stadionu A qrupunun İsveçrə – Uels, Türkiyə – Uels və Türkiyə – İsveçrə qarşılaşmalarına, eləcə də 1/4 final mərhələsinin bir oyununa ev sahibliyi edəcək.

Avropa çempionatı, qrup mərhələsi, 1-ci tur

11 iyun

A qrupu

Türkiyə – İtaliya 0:3
Qol: M.Demiral, 53-öz qapısına. Ç.İmmobile, 66. L.İnsinye, 79.