Laport'dan Morata'ya dəstək: Növbəti oyunlarda hamını susduracaq

İspaniya milli komandasının müdafiəçisi Emerik Laport AÇ-2020-nin qrup mərhələsinin ilk turunda İsveçlə qarşılaşdıqları oyundan (0:0) sonra fikirlərini bildirib.

Corner.az xəbər verir ki, 27 yaşlı futbolçu, sözügedən matçda yaxşı performans göstərə bilməyən və azarkeşlər tərəfindən fitə basılan Alvaro Morataya dəstək olub:

“Fitə basılmaq yeni bir şey deyil. Morata bir çox şeyi sübut etmiş futbolçudur. Onun bu oyunda yaxşı çıxış etmədiyi bəllidir. Ancaq növbəti oyunda üç qol vurar, hər kəsi susdurar.

Bu gün qol vura bilmədik, növbəti oyun 5-ni vura bilərik. Hücumçu problemimiz yoxdur. Bu oyunda işlərimiz yolunda getmədi. Belə 10 oyun oynasaq, 9-nu qazanarıq. Bu gün isə heç-heçə etdik”.