Türkiyəyə çətinlik yarada biləcəyik bir planımız var

"Oyunun bəzi hissələrində daha yaxşı çxış etməyə çalışacağıq. Bunun üçün ciddi hazırlaşmışıq".

Corner.az-ın məlumatına görə, bu fikirləri Uels millisinin baş məşqçisi Robert Peyc Bakıda Türkiyə millisinə qarşı AVRO-2020-nin A qrupunun II tur matçından öncə mətbuat konfransında deyib.

47 yaşlı mütəxəssis meydana ən yaxşı "11-lik"lə çıxacağını bildirib: "Əvvəlki matçla müqayisədə böyük dəyişiklik olmayacaq.Rəqibdən çəkinmirik, sadəcə, hörmət edirik.Stadionda 30 min türk azarkeş olacaq. Sabah həm də onlara qarşı oynayacağıq. Rəqibin güclü tərəflərini bilirik. Türklərə çətinlik yarada biləcək bir planımız var. Bunu meydana qoyacağıq. Həqiqətən yaxşı bir komandaya qarşı oynayacağımızı deyə bilərəm. Onlara hörmətlə yanaşırıq. Təbii ki, bəzi dəyişiklər ola bilər. Bunu düşünəcəm və lazım olan addımı atacam."

Qeyd edək ki, sabah Bakı Olimpiya Stadionunda oynanılacaq Türkiyə - Uels matçı saat 20:00-da başlayacaq