Futbol üzrə Fransa millisinin və “Barselona” klubunun zədəli futbolçusu Usman Dembelenin durumuna aydınlıq gəlib.
Corner.az xəbər verir ki, Kataloniya klubu AÇ-2020-də çərçivəsində Macarıstana qarşı keçirilən oyununda zədə alan 24 yaşlı oyunçunun əməliyyat olunacağını açıqlayıb.
Onun sağ ayağında yırtıq aşkarlandığı və buna görə yaxın günlərdə əməliyyat ediləcəyi bildirilib. Əməliyyatdan sonra hücumçu təxminən 4 ay yaşıl meydanlardan kənarda qalacaq.
Qeyd edək ki, Dembele millinin düşərgəsini tərk edərək Barselonaya qayıdıb.
