İngiltərə və Xorvatiya da 1/8 finalda!

Futbol üzrə Avropa çempionatı davam edir.

Corner.az xəbər verir ki, bu gün qrup mərhələsi çərçivəsində daha iki qarşılaşma baş tutub.

D qrupunun son turunda Çexiya İngiltərə ilə üz-üzə gəlib. Hər iki komanda əvvəlki iki turda 4 xal qazanmışdı. Mümkün heç-heçə hər iki komandanı 1/8 finala vəsiqəni təmin edəcəkdi. Hansısa komandanın məğlub olması isə vəziyyəti çətinləşdirəcəkdi. İngilislər bu oyunda minimal hesabla qalib ayrılaraq qrup birincisi kimi növbəti mərhələyə yüksəlib.

Qrupun digər oyunu Xorvatiya və Şotlandiya yığmaları arasında baş tutub. Bu oyundan qalib ayrılacaq komanda da qrup ikincisi olaraq çıxma şansı olacaqdır. Lakin digər oyunda heç-heçə qeydə alınsa, bu görüşün qalibi ən yaxşı qrup üçüncüləri arasında yer alacaqdı. Xorvatlar bu oyundan inamlı qələbə qazanaraq məhz qrup ikinciliyini ələ keçiriblər. Çexiya isə üçüncü sıraya düşüb və ən yaxşı qrup üçüncülərindən biri kimi 1/8 finalda oynamaq şansı qazanıb.

AÇ-2020
D qrupu
22 iyun

Xorvatiya – Şotlandiya 3:1
Qol: N.Vlaşiç, 17. L.Modriç, 62. İ.Perişiç, 77 – K.Makqreqor, 42.
Baş hakim: Fernando Rapallini (Argentina).
Qlazqo. “Hampden Park” stadionu.

Çexiya – İngiltərə 0:1
Qol: R.Sterlinq, 12.
Baş hakim: Artur Dias (Portuqaliya).
London. “Uembli” stadionu.