Amerika kuboku: Braziliya millisindən çətin qələbə

Futbol üzrə Amerika kubokunda qrup mərhələsinin 4-cü turuna start verilib.

Corner.az xəbər verir ki, ilk oyun günündə iki qarşılaşma keçirilib. B qrupu çərçivəsində Ekvador yığması Peru ilə üz-üzə gəlib. 4 qolun vurulduğu matçda qalib müəyyənləşməyib.

Lider Braziliya yığması Kolumbiya ilə qarşılaşıb. Turnirə ev sahibliyi edən braziliyalılar 90+10-cu dəqiqədə Kazemironun vurduğu qolla qalib gəlib.

A qrupunun görüşləri bu gün keçiriləcək. Boliviya Uruqvayla, Çili isə Paraqvayla qarşılaşacaq.

Amerika kuboku, qrup mərhələsi, 4-cü tur

24 iyun

B qrupu

Ekvador – Peru 2:2
Qol: Renato Tapia, 23-avtoqol. Ayrton Presyado, 45+3 – Canluka Lapadula, 49. Andre Karrilyo, 54.

Braziliya – Kolumbiya 2:1
Qol: Roberto Firmino, 78. Kazemiro, 90+10 – Luis Fernandes Dias, 10.