AÇ-2020: Luis Enrike'dən 5:0-a şərhi

İspaniya milli komandasının baş məşqçisi Luis Enrike AÇ-2020-nin qrup mərhələsinin 3-cü turunda Slovakiyanı məğlub etdikləri oyundan sonra fikirlərini bildirib.

Corner.az xəbər verir ki, 51 yaşlı mütəxəssis, 5:0 hesabıyla qələbə qazandıqları oyunu belə şərh edib:

“Hər şey bizim üçün yaxşı başlamasa da, nəticədən məmnunam. Azarkeşlərimizi sevindirə bildiik və futbolçularım da bu nəticədən razıdırlar.

Əla atmosfer var idi və növbəti oyunu səbirsizliklə gözləyirik. Futbolçularıma bildirmişdim ki, mantarı açsaz, şampan çay kimi axacaq. Bu gün tam olaraq da belə oldu. Yenə də səhvlərimiz var və bunun üzərində işləməliyik”.

İspaniya AÇ-2020-nin E qrupunu 2-ci sırada bitirib və 1/8 finalda Xorvatiya ilə qarşılaşacaq.