AÇ-2020: Danimarka və İtaliya 1/4 finalda

Bu gün AÇ-2020-nin 1/8 final mərhələsinin oyunlarına start verilib.

Corner.az xəbər verir ki, ilk oyun günündə iki qarşılaşma keçirilib.

Əvvəlcə Uels və Danimarka milli komandaları qarşılaşıb. Görüş danimarkalıların darmadağınlı qələbəsi ilə başa çatıb.

Günün digər matçında İtaliya yığması Avstriyanı sınağa çəkib. Əsas vaxtı qolsuz bitən bu oyunun qalibi əlavə vaxtda müəyyənləşib. İtaliya yığması çətin qələbə qazanaraq 1/4 finala yüksəlib.

AÇ-2020, 1/8 final mərhələsi

26 iyun

Uels – Danimarka 0:4
Qol: K.Dolberq, 27; 48. Y.Mehle, 88. M.Breytveyt, 90+6.
Amsterdam. “Yohan Kroyff Arena”.

İtaliya – Avstriya 2:1
Qol: F.Kyeza, 95. M.Pessina, 105 – S.Kaladziç, 114.
London. “Uembli” stadionu.