Bizdən başqa, 6-7 komanda çempion ola biləcəyini düşünür

Niderland millisinin baş məşqçisi Frank de Bur AÇ-2020-nin 1/8 final mərhələsi çərçivəsində Çexiya yığmasına qarşı keçirəcəkləri oyundan əvvəl fikirlərini bildirib.

Corner.az xəbər verir ki, 51 yaşlı mütəxəssis, turniri qazanmaq üçün bütün keyfiyyətlərə sahib olduqlarını deyib:

“Yarımfinala çıxa bilsək, performansımızı yaxşı adlandırmaq olar. Qələbə qazanmaq istəyirik. Bundan sonra turnir bizim üçün daha yaxşı keçəcək.

Bizdən başqa, 6-7 komanda çempion ola biləcəyini düşünür. Çempion olmaq üçün lazım olan keyfiyyətlərə sahibik. Lakin bunun üçün işlərimiz də yolunda getməlidir.

1/8 finala hazırlaşmaq üçün bir həftə vaxtımız var idi. Növbəti tura yüksəlsək, beş günümüz olacaq. Bu, mükəmməldir. Çexiya millisini yüksək qiymətləndiririk. Qələbə qazanmaq üçün çox çalışmalı olacağıq”.

Bu gün keçiriləcək Niderland – Çexiya matçı saat 20:00-da başlayacaq.