AÇ-2020: Bakıya gələcək ikinci komanda da bilindi

Futbol üzrə Avropa çempionatında 1/8 final mərhələsinin növbəti oyunu keçirilib.

Corner.az xəbər verir ki, ikinci oyun gününün ilk matçında Niderland və Çexiya yığmaları qarşılaşıb.

Macarıstanın paytaxtı Budapeştdəki “Puşkaş Arena”da baş tutan görüşdə çexlər inamlı qələbə qazanıb – 2:0.

Beləliklə, iyulun 3-də Bakı Olimpiya Stadionunda keçiriləcək 1/4 final matçında qarşılaşacaq hər iki komandanın adına aydınlıq gəlib. 1/4 finala vəsiqəni bir gün əvvəl təmin etmiş Danimarka yığması Bakıda Çexiya yığması ilə üz-üzə gələcək. Çexiya – Danimarka matçına saat 20:00-da start veriləcək.