AÇ-2020-nin 1/8 final mərhələsi çərçivəsində keçirilmiş Belçika - Portuqaliya matçının ən yaxşı futbolçusu müəyyənləşib.
Corner.az xəbər verir ki, Belçika milli komandasının yarımmüdafiəçisi Torqan Hazard bu görüşün ən yaxşısı seçilib.
Bu barədə UEFA-nın rəsmi saytı məlumat yayıb. 28 yaşlı futbolçu bu oyundakı performansı ilə komandasının qələbə qazanmasında əsas pay sahiblərindən birinə çevrilib. Belə ki, belçikalıları 1/4 finala çıxaran yeganə qolu da rəqib qapısından məhz Torqan vurub.
Qeyd edək ki, Belçika - Portuqaliya matçı 1:0 hesabıyla başa çatıb.
