İsveçrə millisi 67 il sonra bunu bacardı

Futbol üzrə İsveçrə yığması 67 illik həsrətə son qoyub.

Corner.az xəbər verir ki, sözügedən komanda buna AÇ-2020-nin 1/8 finalında Fransa yığmasına qalib gələrək nail olub.

İsveçrə yığması indiyədək böyük turnirlərdə ən güclü 8 komanda arasında yer ala bilmirdi. Bu komanda sonuncu dəfə DÇ-1954-ün 1/4 finalında mübarizə aparmaq hüququ qazanmışdı.

Qeyd edək ki, Fransa – İsveçrə matçının əsas və əlavə vaxtı 3:3 hesabıyla başa çatıb. Qalib isə penaltilər seriyasında müəyyənləşib. 5:4 hesabıyla qalib gələn isveçrəlilər böyük sürprizə imza ataraq fransızları mübarizədən kənarlaşdırıblar.

İsveçrə yığması AÇ-2020-nin 1/4 finalında İspaniya ilə qarşılaşacaq.