AÇ-2020-nin 1/8 final mərhələsi çərçivəsində keçirilmiş İngiltərə - Almaniya matçının ən yaxşı futbolçusu müəyyənləşib.
Corner.az xəbər verir ki, İngiltərə yığmasının müdafiəçisi Harri Maquayr bu görüşün ən yaxşısı seçilib.
Bu barədə UEFA-nın rəsmi saytı məlumat yayıb. 28 yaşlı futbolçu bu oyundakı performansı ilə komandasının qələbə qazanmasında pay sahiblərindən birinə çevrilib.
Qeyd edək ki, İngiltərə - Almaniya matçı 2:0 hesabıyla başa çatıb. Nəticədə ingilislər 1/4 finala vəsiqə qazanıblar.
Maquayr “Mançester Yunayted” klubunun formasını geyinir.
