Amerika Kuboku: Braziliya və Peru yarımfinalda!

Futbol üzrə Amerika kubokunda 1/4 final mərhələsinin oyunlarına start verilib.

Corner.az xəbər verir ki, ilk oyun günündə iki qarşılaşma keçirilib.

Peru yığması Paraqvayla qarşılaşıb. Əsas vaxtı 3:3 hesabıyla bitən matçda Peru millisi penaltilər seriyasında rəqibindən daha dəqiq olaraq yarımfinala vəsiqə qazanıb.

Digər matçda Braziliya ilə Çili üz-üzə gəlib. Görüş Braziliya yığmasının minimal hesablı qələbəsiylə yekunlaşıb

Bu gün daha iki qarşılaşma keçiriləcək. Argentina Ekvadorla, Kolumbiya isə Uruqvayla qarşılaşacaq.

Amerika kuboku, 1/4 final mərhələsi

3 iyul

Peru – Paraqvay 3:3 (penaltilər 4:3)
Qol: Qustavo Qomes, 12-avtoqol. Canluka Lapadula, 40. Yosimar Yotun, 80 – Qustavo Qomes, 11. Xunior Alonso, 54. Qabriel Avalos, 90.

Braziliya – Çili 1:0
Qol: Lukas Paketa, 46.