AÇ-2020: Turnirdən başı dik ayrılırıq

İsveçrə milli komandasının baş məşqçisi Vladimir Petkoviç AÇ-2020-nin 1/4 final mərhələsində İspaniya yığmasına məğlub olduqları oyundan (1:1, penaltilər 1:3) sonra fikirlərini bildirib.

Corner.az xəbər verir ki, 57 yaşlı mütəxəssis, futbolçuları ilə apardığı mübarizəyə görə qürur duyduğunu deyib:

“İspaniyanı təbrik edirəm. Hədəflərinə çatmaq üçün hər şey etdilər və penaltilərlə qalib gəldilər. Futbolçularımla qürur duyuram. Onların hər biri qəhrəmandır. Yarımfinala çıxmağa layiq idik.

Fərqli hisslər yaşayıram. Qürur duyuram, hamımız qürur duymalıyıq. Turnirdən başı dik ayrılırıq. Yarımfinala çox yaxın olsaq da, alınmadı. Bütün futbolçularım qəhrəmandır. Çünki onlar bu oyunu penaltilərə qədər gətirə bildilər”.