Eriksen'in forması Bakı Olimpiya Stadionunda

Bakı Olimpiya Stadionunda Avropa çempionatının 1/4 final mərhələsinin Çexiya - Danimarka oyununun açılış mərasimi keçirilib.

Corner.az-ın məlumatına görə, ilk olaraq meydanın mərkəzində böyük pankart açılıb və AVRO-2020-nin rəsmi himni səsləndirilib.

Daha sonra meydanın hər iki tərəfində yığma komandaların nəhəng formaları təqdim edilib.

Danimarka seçməsində iyunun 12-də Finlandiya ilə B qrupunun ilk görüşündə huşunu itirən Kristian Eriksenin forması arenada göstərilib. Startdan əvvəl Skandinaviya təmsilçisinin kapitanı Simon Kyaer Eriksenin imzalı formasını rəqib komandanın kapitanı Tomaş Souçekə verib.

Qeyd edək ki, matçın ilk hissəsi oynanılır və danimarkalılar 1-0 hesabı ilə öndədi.