AÇ-2020: Danimarka və İngiltərə yarımfinalda!

AÇ-2020-də 1/4 final mərhələsinə yekun vurulub.

Corner.az xəbər verir ki, sonuncu oyun günündə də iki qarşılaşma keçirilib.

Günün ilk matçı Çexiya və Danimarka yığmaları arasında baş tutub. Bakı Olimpiya Stadionunda baş tutan görüşdə Danimarka yığması inamlı qələbə qazanaraq yarımfinala yüksəlib.

Mərhələnin sonuncu görüşü isə Ukrayna və İngiltərə yığmaları arasında olub. Romadakı “Olimpiko” stadionunda keçirilən oyunda darmadağınla qalib gələn İngiltərə sonuncu yarımfinalçı olub.

Avropa çempionatı
1/4 final
3 iyul

Çexiya – Danimarka 1:2
Qol: P.Şik, 49 – T.Dileyni, 5. K.Dolberq, 42.
Baş hakim: Byörn Kuypers (Niderland).
Bakı. Olimpiya stadionu.

Ukrayna – İngiltərə 0:4
Qol: H.Keyn, 4; 50. H.Maquayr, 46. C.Henderson, 63.
Baş hakim: Feliks Brix (Almaniya).
Roma. Olimpiko stadionu.