Messi Pelenin rekorduna yaxınlaşdı

Argentina milli komandası Amerika kubokunun 1/4 final mərhələsində Ekvadoru məğlub edib – 3:0.

Corner.az xəbər verir ki, sözügedən qarşılaşmada bir qol vuran Lionel Messi millidəki qol sayını 76-ya çatdırıb. Messi cənubi amerikalılar arasında yığmada vurulan qol sayına görə hazırda Peledən geri qalır. Braziliya yığmasının keçmiş hücumçusunun aktivində 77 qol var.

Messi rekordun bir addımlığında olması ilə bağlı fikirlərini bildirib:

“Hər zaman fərdi mükafatların ikinci dərəcəli olduğunu demişəm. Biz titul qazanmaq üçün burdayıq. Gördükləri iş üçün komandamı təbrik etmək istəyirəm. Uzun zamandır ailələrimizdən uzaqdayıq. Növbəti oyuna az qalıb, istirahət etməliyik. Bundan sonra bir addım daha atmağımız vacibdir”.

Argentina yığması Amerika kubokunun yarımfinalında Kolumbiya ilə qarşılaşacaq.