AÇ-2020: Mən komandamla qürur duyuram - Yarmolenko

Ukrayna milli komandasının futbolçusu Andrey Yarmolenko AÇ-2020-nin 1/4 final mərhələsində İngiltərə yığmasına qarşı keçirdikləri oyundan sonra fikirlərini bildirib.

Corner.az xəbər verir ki, 31 yaşlı hücumçu, 0:4 hesabıyla uduzduqları matçla bağlı açıqlama verib:

“İngiltərə qələbəyə layiq idi. Təbrik edirəm, yolları açıq olsun. Sürətli hücumları bizim üçün problem oldu. Bunun qarşısını almağı istəsəkdə, uğursuz olduq. 3-cü dəqiqədə qol buraxanda artıq hər şeyi yenidən düşünməyə başladıq.

Komanda olaraq bura qədər gələ bilməyimiz vacib idi. 0:4 hesabıyla uduzsaq da, qürurluyuq. Daha yaxşı oynadığımız oyunlar olub. Mən komandamla qürur duyuram”.