- Avropa çempionatı
- 11:12 05.11.2024
AÇ-2020-nin yarımfinal mərhələsi çərçivəsində, iyulun 6-da keçiriləcək İtaliya – İspaniya matçının hakimləri açıqlanıb.
Corner.az UEFA-nın saytına istinadən xəbər verir ki, Londonda oynanılacaq matçı Almaniyadan olan hakimlər briqadası idarə edəcək. Oyunun baş hakimi Feliks Brix olacaq. Ona yan xətt hakimləri Mark Borş və Ştefan Lupp kömək edəcəklər. Dördüncü hakim funksiyasını rusiyalı Sergey Karasev yerinə yetirəcək.
İyulun 6-da keçiriləcək İtaliya – İspaniya matçı saat 23:00-da başlayacaq.
