- Avropa çempionatı
- 16:00 13.04.2026
İngiltərə milli komandasının futbolçusu Harri Keyn AÇ-2020-nin yarımfinalında Danimarka yığmasını məğlub etdikləri oyundan sonra fikirlərini bildirib.
Corner.az xəbər verir ki, 27 yaşlı hücumçu, 2:1 hesabıyla qalib gəldikləri matçı belə şərh edib:
“Həqiqətən, inanılmaz bir oyun oldu. Danimarkanı da təbrik etmək lazımdır, işimizi çox çətinləşdirdilər. Kasper Şmeyxel yaxşı penalti qurtaran qapıçıdır. Ona qol vurmaq o qədər də asan olmadı. Bunu bacardığım üçün xoşbəxtəm.
İtaliyaya qarşı oyun daha çətin olacaq. Ancaq bu kuboku qazanmaq üçün çalışacağıq”.
