İngiltərə yığmasının baş məşqçisi Qaret Sautqeyt AÇ-2020-nin finalında İtaliya millisinə qarşı keçirəcəkləri oyundan əvvəl fikirlərini bildirib.
Corner.az xəbər verir ki, 50 yaşlı mütəxəssis, İtaliya yığmasının finalda olmağa layiq olduğunu deyib:
“İtaliya millisi son iki ildə çox yaxşı çıxış edir. Onların inkişafını yaxından izləyirik və necə oynadıqlarını da görürük. Əla oyun üslubu sərgiləyilər. Şübhəsiz, italyanlar finalda olmağa layiqdirlər. Final yolunda iki güclü rəqibə – İspaniya və Belçikaya qalib gəldilər. Görünür ki, bizi italyanlara qarşı çətin sınaq gözləyir”.
Sabah keçiriləcək İngiltərə – İtaliya matçına Bakı vaxtı ilə saat 23:00-da start veriləcək.
