Argentina millisinin futbolçusu Lionel Messi Amerika kubokunun finalında Braziliyaya qalib gələrək çempion olduqları oyundan (1:0) sonra fikirlərini bildirib.
Corner.az xəbər verir ki, yığma karyerasında ilk titulunu qazanan Messi görüşü belə şərh edib:
“Milli komanda ilə bir şeylər qazanacağıma inanırdım. Hər dəfəsində yaxınlaşırdım, ancaq alınmırdı. Nə vaxtsa isə bunun olacağını bilirdim. İndi bundan gözəl an yoxdur.
Hələ çempionluğumuzun fərqində deyilik. Düşünürəm ki, bu, tək Amerika kubokunu qazandığımız üçün deyil, həm də braziliyalıları öz evlərində məğlub etdiyimizə görə tarixə yazılacaq bir oyun oldu.Arzularım reallaşdı. Hisslərimi sözlə ifadə edə bilmirəm”.
