Daha bir futbolçu millimizlə oyunu buraxacaq

Portuqaliya millisinin daha bir futbolçusu 2022-ci il dünya çempionatının qarşıdakı seçmə mərhələ oyunlarını buraxacaq.

Corner.az-ın məlumatına görə, "Sportinq" klubudan dəvət olunan Pedru Qonsalveş də heyətdən çıxarılıb.

23 yaşlı yarımmüdafiəçi millinin məşqində zədələnib. Onun yerinə "Vulverhempton"dan Fransişku Trinkan yığmaya çağırılıb.

Portuqaliya seçməsində daha əvvəl Qonsalu İnasio və Rikardu Pereyra eyni səbəbdən heyətdən kənarlaşdırılıb.

Qeyd edək ki, sentyabrın 1-də İrlandiyanı qəbul edəcək Portuqaliya seçməsi, 3 gün sonra Qətərlə yoldaşlıq matçında üz-üzə gələcək. Komanda sentyabrın 7-də isə Bakı Olimpiya Stadionunda Azərbaycan millisi ilə qarşılaşacaq. Görüş saat 20:00-da başlayacaq.