17 yaşadək qadınlardan ibarət Azərbaycan milli komandası bu gün AÇ-2022-nin seçmə mərhələsi çərçivəsində ilk oyununa çıxıb. Corner.az xəbər verir ki, komandamız Monteneqro yığması ilə qarşılaşıb.
Azərbaycan futbolçuları bu görüşdə darmadağın olub. Daha öncə qrup oyunlarına ev sahibliyi edən Albaniyanı da 8:1 hesabıyla məğlub etmiş Monteneqro birinci pilləni təmin edib.
Komandamız digər matçını sentyabrın 30-da meydan sahibi Albaniyaya qarşı keçirəcək.
AÇ-2022-nin seçmə mərhələsi
27 sentyabr
Monteneqro - Azərbaycan 6:1
Qol: İvana Boriçiç, 20; 51; 54. Tatyana Osmayiç, 38; 85. Tanya Malesiya, 80 – Aydan Həsənova, 71-pen.
Hakimlər: Aynara Andrea, Rita Kabanero (hər ikisi İspaniya), Yekaterina Çernova, Marina Krupskaya (Rusiya).
