Ronaldo - "Bu zədəyə görə narahat deyiləm"

 AÇ-2020-nin seçmə mərhələsinin Serbiya ilə səfər oyununda zədələnən Portuqaliya millisinin kapitanı Cristiano Ronaldonun  durumuna aydınlıq gəlib.

Corner.az "Football İtalia" nəşrinə istinadən xəbər verir ki, 34 yaşlı hücumçu iki həftə sonra yaşıl meydanlara qayıdacağını bildirib: "Zədəyə görə narahat deyiləm.Bədənimi tanıyıram və düşünürəm ki, mənə təxminən 2 həftə vaxt lazımdır. Bundan sonra hər şey qaydasına düşəcək".

Qeyd edək ki, Serbiya ilə matçda sol ayaq əzələsini dartan Ronaldo 30-cu dəqiqədə öz istəyi ilə əvəzlənib.