21 yaşadək futbolçular arasında AÇ-2023-ün seçmə mərhələsində növbəti oyunlar keçirilib. Corner.az xəbər verir ki, Azərbaycan yığmasının yer aldığı A qrupunda da iki görüş baş tutub.
Qrup lideri Xorvatiya doğma meydanda Finlandiya ilə qarşılaşıb. Beş qolun qeydə alındığı bu matçda xorvatlar gözlənilməz şəkildə məğlubiyyətlə üzləşib - 2:3.
Avstriya yığması isə Norveçlə üz-üzə gəlib. Üç qolun qeydə alındığı bu görüşdə isə meydan sahibləri qələbəyə sevinən tərəf olub – 2:1.
Bu nəticələrdən sonra A qrupundakı xal durumu belədir:
Xorvatiya – 19, Avstriya – 16, Norveç – 15, Finlandiya – 13, Azərbaycan – 4, Estoniya – 0.
