Qadın futbolçular arasında Avropa çempionatının qalibi müəyyənləşib. Corner.az xəbər verir ki, İngiltərə yığması tarixində ilk dəfə qitənin ən güclüsü adını qazanıb.
Londondakı "Uembli" stadionunda keçirilmiş final matçında yerli komanda Almaniyanı əlavə vaxtda məğlub edib – 2:1.
Hesabı 62-ci dəqiqədə ingilis Ella Tun açıb. 74-cü dəqiqədə Lina Maqull bərabərlik qolunu vurub və oyunun taleyi üçün əlavə vaxta ehtiyac duyulub . 111-ci dəqiqədə isə Kloi Kelli İngiltərə millisinin qələbə qoluna imza atıb.
Yarımfinalda İngiltərə İsveçi 4:0, Almaniya isə Fransanı 2:1 hesabı ilə üstələmişdi.
