Feyenoord'un futbolçusu millimizlə oyunu buraxacaq

Avstriya millisinin futbolçusu Gernot Trauner 2024-cü il Avropa çempionatının seçmə mərhələsində Azərbaycana qarşı keçirəcəkləri ilk tur oyununu buraxacaq.

Corner.az xəbər verir ki, buna Niderland "Feyenoord"unda çıxış edən 30 yaşlı müdafiəçinin zədələnməsi səbəb olub. Məşqdə dizindən xəsarət alan Traunerin əməliyyat olunacağı və mövsümün ikinci yarısını buraxacağı bildirilib.

Trauner "Feyenoord"un qış fasiləsinədək keçirdiyi 20 oyunun hamısında meydanda olub.

Qeyd edək ki, Azərbaycan millisi AVRO-2024-ün seçmə mərhələsində ilk oyununu 2023-cü il martın 24-də səfərdə Avstriyaya qarşı keçirəcək. Belçika, İsveç və Estoniya da F qrupunda mübarizə aparacaqlar.